Memli Krasniqi merr një fanellë dhuratë nga Granit Xhaka

20:34 | 25 Nëntor 2024
E.H

Gjatë qëndrimit në Gjermani, kandidati për kryeministër nga PDK, Bedri Hamza ka takuar yllin kosovar të futbollit, Granit Xhaka.

Ky i fundit, i ka dërguar dhuratë një fanellë të firmosur kryetarit të PDK-së, Mamli Krasniqit përmes Hamzës, transmeton Arbresh.info

“Mërgata e ka nda mendjen se Kosova mundet ma mirë. Pata mundësi ta takoj edhe yllin e futbollit dhe mikun tënd, Granit Xhakën dhe këtu e kam një porosi prej tij për ty”, ka thënë Hamza.

Krasniqi ka shprehur falënderime për Xhakën dhe tërë mërgatën për mbështetjen për PDK-në.

“Yjet si Graniti kanë qenë gjithmonë dhe vazhdojnë me qenë inspirim për të gjithë, sepse me puën dhe suksesin që e kanë arritur janë bërë shembuj të mirë. Neve na mbetet me i përvjelë mëngët dhe me punu për t’i realizuar qëllimet që i kemi bashkë”, ka thënë lideri i PDK-së./Arbresh.info

 

 

Shpërndaje në rrjete sociale

Lajmet më të lexuara

Të ngjashme

Foto lajm